యత్ర నార్యంతు పూజ్యంతే

అమ్మాయి అంటే అంత చులకనా?
ఏం చేసిన భరిస్తుంది గనకనా?
హింసించినా...దూషించినా..
తన మనసుని ...గాయపర్చినా...

అణువణువున నీకై ఆరాటం
తన బ్రతుకే నిత్య పోరాటం
యత్ర నార్యంతు పూజ్యంతే..రమంతే తత్ర దేవతా...
నమస్తస్యై నమస్తస్యై నమస్తస్యై నమో నమ:

అడుగడుగునా అవమానించినా
తన గౌరవాన్ని నువ్వ్ మంటగల్పినా
వేదించినా.....విసిగంచినా..
నయవంచన...దగా జేసినా...

పడి లేచే కెరటం తన నైజం
దైన్యం కాదది సడలని ధైర్యం...
యా దేవి సర్వ భుతేషు: శక్తి రూపేణ సంస్థితా...

నమస్తస్యై నమస్తస్యై నమస్తస్యై నమో నమ:
తన బాల్యాన్ని చిదిమేసినా...
తన యౌవ్వన్నాన్ని కాలా రాసినా...
తన ప్రాణం కన్నా మిన్నగా
ప్రేమించే నిన్ను నిన్నుగా
జీవం పొసే ఓ తల్లిగా
లోకంలో కల్పవల్లిగా

వెలిగే జగతికి జనని నారీమణి
అర్ధిస్తోంది......బ్రతకనివ్వమని....
యా దేవి సర్వ భుతేషు: మాతృ రూపేణ సంస్థితా...
నమస్తస్యై నమస్తస్యై నమస్తస్యై నమో నమ:

నీ రూపం కాంచన శిల్పం

నీ రూపం కాంచన శిల్పం
నీవే నా ప్రపంచం
నీ స్నేహం వేకువ స్వప్నం
నీవే నా సమస్తం
విరబూసిన నీ దరహాసం
విరి తేనియల నీ మౌనం
గుచ్చుకుంది నా గుండెల్లో నీ చూపుల మన్మధ బాణం
విలవిల్లాడే నా ప్రాణం
నిలవనివ్వని ఆరాటం
కోరుతోంది కోవెల గంటై నా అణువణువు నీ అభిమానం
నీ అందం శీతల గంధం
నీవే నా ఆనందం
నీ వర్ణం వెన్నెల హారం
నీవే నా ఆధారం
మరువలేని నీ అనురాగం
మధురమైన ప్రణయ సరాగం
మ్రోగుతోంది నా మది వీణై నీకొసం సుస్వర సంగీతం
మొరవింటాడని నా దైవం
మొదలైంది నాలో ధైర్యం
చేరమంది నను నీ ఒడిని గుసగుసలాడే ఉదయసమీరం
నీ తేజం శిఖరం నైజం
నీవే నా వసంతం
నీ చిత్రం కెరటపు ముత్యం
నీవే నా అదృష్టం
నచ్చిందని నీ వ్యక్తిత్వం
నడిచా నీ దారిలొ నేస్తం
పరవశాన పరిచా నీకై స్నిగ్ద మనొహర హృదయ పుస్తకం
అంతం కాదిది ఆరంభం
జీవిత గమనం ప్రారంభం
నిలవాలని ఆకాంక్షిస్తా మన అనుబంధం సుస్తిర కాలం
Yours Lovingly : Srikanth Chintakindi alias "Sinivaali"

My Poetry

యువతరం

"మేల్కొల్పి జగాన్ని నిద్రించే యువతరాన్ని వదిలేసి సుఖాన్ని నడిపించగ నవతరాన్ని ఉద్యమించు సోదరా దెశ ప్రగతికి కదలిరా సోదరి నిర్మిద్దాం నవ భారతవని! కదలిరా సహొదరి నిర్మిద్దాం నవ భారతవని!!"

యువత-శాంతి దూత

నెలవంక

నీలి మబ్బుల మాటున దాగిన ఓ "నెలవంక"
నిన్ను చూచేందుకు నా కన్నులు తపిస్తున్నాయి
నీటిలొ బుడగలా
తొలకరి వాన చినుకులా
అపుడపుడు నీవు నాతో దోబూచులాడుతూ...
మసక మసకగా కనిపించి నన్ను మత్తెక్కిస్తుంటే...
గాలివానలా మొదలైన నా మదిలోని అలజడి
తూఫానులా మారి విజృంభించకముందే..
ఇపుడిపుడే విరియబూయుచున్న కుసుమంలా
నాకు దరిశెనమివ్వవా నా ప్రియసఖి!

నీ సుందర రూపమే నాకు శక్తినిచ్చే సాధనం
నీతో చెలిమే నా జీవనానికి ఇంధనం

ఎన్నాళ్ళైన నిరీక్షిస్తాను నీ కోసం!
తారలను వదిలి రాగలవా నీవు నా కోసం?

ప్రాణాలైనా అర్పించగలను నేను నీ కోసం!
అందించగలవా జీవితాంతం నాకు నీ స్నేహం?

ఏది ఎమైనా, ఎవరు ఏమన్నా,

ఎన్ని అడ్డంకులున్నా, ఎన్ని అపజయాలు ఎదురైనా...

నీ కోసమే నేనున్నది!
నీవాణ్ణి కావాలనే నేను కోరుకున్నది!!
నీ సంతోషమే నాకు ముఖం...
నీ చిరునవ్వే నాకు సర్వం!

ఇదే నేను నీతో ఎన్నాళ్ళుగానొ చెప్పాలనుకున్నది!
నన్ను ప్రేమిస్తున్నావన్న నీ నోట నే వినాలనుకున్నది!!

నువ్వు వస్తావని

నీతో నాకున్న అనుబంధం ఏమిటో గాని...
అన్ని బాంధవ్యాలు మరిచిపోతాను!
ఏడారిలో కాలిపోతున్న ఇసుక రేణువునైన నేను...
నీ చూపుల వర్షంలో తడిసి కరిగిపోతాను!!
కారు చీకట్లు కమ్మిన నా జీవితపు లోగిలిలోన...
మిరుమిట్లు గొలిపే నీ రాకతో మైమరచిపొతాను!!!
మూగబోయిన నా మదివీణను శ్రుతి చేసి...
రాగరంజితమైన సుస్వరాలు పలికించే నీ స్పర్శతో పులకరించిపోతాను!!!
నీవు నాకోసం కనీసం ఒకసారి కూడ రాలేవు అని తెలిసినా...వెర్రిగా
"నువ్వు వస్తావని" నీకోసం నిరీక్షిస్తూనే ఉండిపోతాను
ప్రియతమా,
నా ప్రాణం కంటే మిన్నగా ప్రేమించే నీకు, నేను...
మనస్స్పూర్తిగా చేసుకునే విన్నపం ఒక్కటే ...!
నా శ్వాస ఆగిపోయేంతవరకు నీవు నా తోడుండూ..
లేదా,
నా శ్వాస ఆగిపోబోయే క్షణం ముందు నన్ను నీ ఒడిచేర్చుకొ !!!